رواية كاااملة جديدة
زي القمر انهاردة واني اسعد راجل في الكون لانك هتبقي مراتي حبيبتي
سلمي ابتسمت وهيا باصة في عيون مازن وشافت حب كبير اوي فيهم ليها ورغم ان قلبها اتحرك ناحيته بس صعب عليها مازن اوي وحست انها ظلمته لانه ملوش ذنب انها تلعب بمشاعره او توعده بحاجة هيا مش هتقدر تديهاله ورجعت بصت علي احمد اللي حتي مكنش شايفها ولا مركز غير علي فاطمة ومهتم بيها و ابتسمت لما لقته بيشاورلها عشان تدخل شعرها اللي خرج من الطرحة وغمضت عنيها بحزن واتأكدت انها فعلا دخلت حرب هيا الوحيدة الخسرانة فيها وقررت انها تنهي كل ده عشان متخسرش اكتر من اللي خسرته واتجاهلت انجذابها لمازن من خۏفها انها تجرحه في يوم من الايام لو مقدرتش تسعده
تاني يوم
اتكلم احمد وهو بيقعد قدام سلمي في الكافيه
خير يا سلمي طلبتي تقابليني ليه
سلمي بصت لاحمد شوية وقالت بحزن
خلاص يا احمد انا قررت انهي كل حاجة وابعد انا كنت فاكرة لما تلاقيني بضيع من ايديك هتحارب عشاني وهترجعني ليك تاني بس اكتشفت اني كنت مرحلة في حياتك مش اكتر ودلوقتي انت عديتها و لقيت اللي عوضتك كمان وانا خلاص هسيب مازن وابعد عنكم للابد
ااولا يا سلمي انا عمري ما كنت بضحك عليكي او بلعب بمشاعرك انتي اكتر حد متأكد من ده بس انتي عايزاني احارب مين اخويا انا لما سبتك مش عشان مازن يتجوزك لا يا سلمي عشان اخويا بصلك وحبك تقدري تقوليلي كنت هروح اقؤله ايه انت عايز تتجوز البنت اللي حبتها طب وبعدين حتي لما هو يصرف نظر عن الموضوع انا كراجل هقبل ازاي اني اتعايش مع فكرة ان مراتي اخويا في يوم من الايام كان بيحبها
عندك حق يا احمد وعشان مكونش السبب في اني افرق بينك وبين اخوك في يوم من الايام انا هبعد واوعدك انك مش هتشوفني تاني
قامت سلمي بعد ما قالت اخر كلامها بس احمد وقفها وقالها بهدوء
سلمي انتي دلوقتي بايدك تختاري يا تبعدي زي ما قولتي يا اما تدي لمازن فرصة انتي عارفة انه بيحبك وانا متأكد انه هيخليكي تحبيه في يوم من الايام بس اهم حاجة انك تنسي اللي فات
خاېفة يا احمد خاېفة اكمل معاه فمقدرش اسعده او اديله الحب والاهتمام اللي بشوفهم منه خاېفة اظلمه معايا وهو ميستاهلش كدة ابداا
ابتسم احمد وقام وقف هو كمان وقالها
مين قال كدة مازن بيحبك من غير مقابل والانسان لما بيحب بيحب بكل كيانه وانتي كمان لما تقربي منه هتلاقي نفسك بتشوفيه كأنه اول
