رواية كاااملة جديدة

ماما مع ان احمد انسان كويس اوي ولا يمكن هيزعلني انا متأكدة
ضحكت سهير وقالت وهيا بتخرج من المطبخ 
ايوة مش تربيتي انا هصلي وارجعلك يا حبيبتي 
اتنهدت فاطمة بسعادة وهيا مش متخيلة ان حلمها اتحقق وان دعاءها استجاب واحمد اخيرا بقي ليها شوية وحست انها حرانة اووي فرفعت شعرها وعملته كحكة وكملت طبخ وهيا متأكدة ان مازن واحمد مش هيجو دلوقتي خالص وسرحت في احمد وبقت تطبخ بابتسامة وهيا بتفتكر كل مواقفهم سوا وغيرة احمد عليها من دكتور مصطفي وبعد ما خلصت كل حاجة فجأة شهقت بخضة لما لفت ولقت احمد واقف علي باب المطبخ واول ما عيونهم اتقابلت اتكسفت فاطمة واخدت طرحتها بسرعة من عالكرسي وحطتها علي شعرها وهيا بتقؤل بخجل 
انا اسفة اوي انا افتكرتك مش هتيجي دلوقتي انا لازم
قاطعها احمد لما قرب عليها ووقف قدامها وهو بيبصلها بتوهان وفجأة بعد بايده خصلة شعرها اللي اتمردت وخرجت برة الطرحة وقالها بهمس 
اانتي ايه اللي خلاكي تشيلي طرحتك و تقعدي بشعرك
فاطمة اتوترت وقالتله بخجل وهيا بتبص بعيد عن عيونه 
احمد انا مكنتش اقصد انا بس كنت حرانة اوي و
قرب احمد من فاطمة اكتر وقالها ببحة مميزة خلت قلبها يدق 
عارفة لو كان حد غيري اللي جه دلوقتي وشافك كدة انا كان ممكن اعمل ايه 
فاطمة عيونها دمعت وافتكرت ان احمد زعل منها وانه افتكر انها بنت مش كويسة فقالت بدموع 
والله انا مقصدش انا اسفة احمد بجد انت مصدقني صح 
احمد بص لدموعها وكان قلبه بيدق جامد كان بيقؤل لنفسه ازاي ممكن تكون بالبراءة دي كانت فاطمة سحراه بكل تفاصيلها فمسح احمد دموعها بايديه وقالها بهمس
مش عاوز اشوف دموعك تاني يا فاطمة طول ما انا عايش اوعي تفتكري اني ممكن اظن فيكي اي حاجة وحشة انتي اطهر بنت انا قابلتها في حياتي
فاطمة ابتسمت بتلقائية ومكنتش عارفة ترد من دقات قلبها اللي بتزيد وفجأة جرس الباب رن فاتخضت فاطمة وزقت احمد بتلقائية وهيا بتقؤل 
انا هروح اشوف مين
وقفها احمد وهو بيشدها من ايديها ووقفها قدامه وهو بيعدلها طرحتها علي شعرها وبيقؤلها بغيرة 
شعرك لو لمحته برة الطرحة يا فاطمة مش هيحصلك كويس فاهمة 
فاطمة كانت بصاله بابتسامة وهو بيعدل ليها طرحتها وقالتله بخجل 
حاضر
ابتسم احمد وقالها بهمس 
خليكي انتي بقي هنا وانا اللي هفتح الباب وسابها ومشي وفاطمة كانت متابعاه بعنيها وبتبتسم عشق
...............................
كان كلهم قاعدين بيتعشو عالسفرة فاطمة جمب احمد وفي وشهم مازن وجمبه سلمي اللي كانت مركزة مع فاطمة واحمد وانتبهت لمازن اللي قرب منها وقالها بهمس 
حبيبتي مش بتاكلي ليه 
سلمي بصت لمازن وقالتله بتوتر 
منا باكل اهو يا مازن
مازن بص في عيونها بحب وقالها بعشق 
تعرفي انك