رواية كاااملة جديدة

مرة وهتحبيه برضه كأنه اول حب في حياتك
ابتسمت سلمي وقالتله باقتناع 
انت عندك حق انا منكرش اني منجذبة لمازن بس يمكن انا اللي مكنتش بدي لنفسي فرصة اني اقرب منه
كان لسة احمد هيرد بس شاف فاطمة واقفة علي باب الكافيه مع صحابها وبصاله وبعدين انسحبت بهدوء احمد بص لسلمي وقالها 
معلش لازم امشي دلوقتي 
ومستناش ردها ومشي وسلمي متابعاه بابتسامة وكأنها ودعت صفحة قديمة في حياتها وبدأت صفحة جديدة مع مازن
.................................
احمد وقف قدام فاطمة ومنعها انها تمشي وتسيبه لما مسك ايديها وقالها وهو بينهج 
فاطمة انتي فاهمة غلط اسمعيني الاول ارجوكي
فاطمة بصت لاحمد بغموض وقالتله 
فهمني انت الحقيقة يا احمد
احمد اتنهد وقالها طب تعالي وانا هحكيلك كل حاجة بصراحة وفعلا اخد فاطمة وقعدو عالنيل قصاد بعض وحكي كل حاجة بصراحة لفاطمة اللي ابتسمت وقالتله بهدوء
انا كنت عارفة يا احمد بس حبيت اعرف انت هتحكيلي ولا لا حبيت اشوف في عنيك وانت بتحكي انت لسة بتحبها ولا لا
احمد بص لفاطمة پصدمة وقالها 
كنتي عارفة ازاي انا مش فاهم حاجة
فاطمة اتنهدت وهيا بتبص للنيل وبتحكي 
كنت بشوفكم دايما وانتو كل واحد فيكم بيبص للتاني من البلكونة بتاعته وتفضلو تتكلمو في التليفون وقتها كنت بتابعك بقلب مكسور كنت بشوف الراجل اللي حبيته وكنت بقعد استناه بالساعات عشان بس اشوفه واطمن عليه بيحب في بنت غيري وكنت برضه مش عارفة ابطل احبك كنت بدعي في كل صلاه انك تكون ليا ووقت ما عرفت ان اخوك خطبها قولت انك اكيد هتبعد كان كل خۏفي وقتها انك تمشي ومعرفش اشوفك تاني واملي عيني منك
ورجعت بصت فاطمة في عيون احمد وكملت كلامها 
ولما اتقدمتلي كنت اسعد بنت في الدنيا رغم اني من جوايا كنت خاېفة لاكون وسيلة عشان بس تخليها تغير عليك و مقدرتش امنع نفسي ومستغلش فرصة اني اكون ليك ولو لفترة قصيرة حتي لو كنت بتنساها بيا
احمد كان بيسمع فاطمة وهو مصډوم مش متخيل انها حبته الحب ده كله وانه عمره ما خد باله منها كان من جواه قلبه بيدق جامد ونفسه لو يضمها ليه حالا فحاول يسيطر علي مشاعره ومسك ايد فاطمة وقالها بعشق سيطر عليه 
اانا لما خطبتك يا فاطمة مكنتش متخيل انك تكوني بتحبيني كدة ولا انا فكرت اني ممكن اقرب منك واحبك بس لما ابتديت اشوفك بقيت احس باحساس غريب بيشدني ليكي وبيزيد يوم عن يوم حبيت براءتك وطيبتك واتأكدت اني مش بس حبيتك انا عشقتك يا فاطمة ومستحيل اسيبك او اخليكي تبعدي عني انتي بقيتي الهوا اللي عايش عليه وبحمد ربنا انك بقيتي ليا مش لحد غيري انا حقيقي بحبك اووي يا فاطمة
ابتسمت فاطمة بخجل وكأنها في حلم مش حقيقة واتمنت
لو متصحاش منه ابدا و اتنهدت براحة وهيا بتبص لاحمد بحب وقالتله 
وانا كمان يا احمد محدش سكن قلبي غيرك
تمت بقلم اسراء ابراهيم