رواية ظلمني حبه بقلم هدير دودو من الفصل الأول إلى الثاني عشر
و معندكيش عقل اصلا ماشية عمالة تبصي في شنطة الاكل و مش مركزة في الطريق مع كدة اعتذرت انت بقا اللي غلطانة و بتبجحي شخصية قليلة الرباية و التصرف لا و كمان عمالة تتكلمي و تغلطي انا مش فاهم نوعك ايه انت اصلا متأكدة انك بنت بشكلك دة ...دة اصلا منظر بنت استحالة ثم قال بخبث لكى يرضي كبرياؤه شوفي يا بت انت و لو اني اشك انك بنت بس ماشي انت هتخرجي تعتذريلي قدام كل الموجودين لأما تمشي من هنا و مشفش وشك تاني ها ايه رأيك و مع اعتذارك تقولي انك غلطانة و شخصية غبية اوي ها قلتي ايه
ضحى و هي تتظاهر بلا مبالاه باي باي يا اونكل ثم وجهت كلامها لمراد الواقف مستغرب من قوتها و قالت بسخرية والله كان نفسي اقلك اتشرفت بمعرفتك بس الحقيقة متعلمتش اكدب على حد ثم فتحت باب الغرفة بقوة بصت لاقت جميع الموظفين اللي في الشركة واقفين على الباب بيسمعوهم فمشت بسرعة واقفتها آيه
ضحى بعصبية اعتذر لمين دة شخص متعجرف اصلا و بارد ثم قالت لها هبقى اتصل بيكي و مشيت بسرعة
عند مراد خرج و زعق للموظفين ايه اتفضلوا كل واحد على مكتبه خلاص العرض اللي بتتفرجوا عليه خلص يلااا
ثم وجه كلامه لعبد الرحمن و قال بعصبية استاذ عبد الرحمن تعالى ورايا
مراد بعصبية مين البنت دي عاوزة اعرف كل حاجة عنها والله لهربيها
عبد الرحمن بارتباك و هو يحاول تهدئته اهدى بس يا مراد بيه .. دي ضحى بنت غلبانة والله و والدها استاذ سعد الله يرحمه كان صاحبى و اخويا و هو راجل طيب والله بس هي عصبية شوية معلش دي لسة صغيرة و مش عارفة حاجة
مراد بعصبية دي اصلا انسانة مش متربية ثم قال باستغراب و استنكار هو في بنت كدة .. كل البنات بتبقى هادية .. دي استحالة تكون بنت و اكمل بجدية و عصبية انا عاوز ملف البت دي من ساعة ما اتولدت لغاية اللحظة دي ثم قال بتوعد والله لهربيها و اعرفها مين هو مراد الدمنهوري
عند ضحى روحت البيت
حورية باستغراب و تساؤل لكى تطمن عليها في ايه يا ضحى. . ايه اللي رجعك بدري كدة انهاردة و انت قايلالي انك هتتأخري عشان المدير ايه الجديد
ضحى بلا مبالاه و سخرية و لا حاجة يا ست حورية الموضوع و ما فيه ان انا استقالت من ام الشركة الژبالة دي
ضحى بلا مبالاة قلتلك استقالت مش اترفدت اساسا المدير دة انسان مستفز بس قمر اوي والله يا بت يا حورية عجبني الخناق معاه بس جاي يقولي اعتذر انا ضحى سعد اللي مبعتذرش لحد طول ما انا مش غلطانة يجي هو يقولي اعتذر عشان هو عاوز كدة انسان مغرور
حورية بتفهم اهدي بس و قوليلي ايه اللي حصل
ضحى حاضر و حكت لها كل شئ من اول ما خپطها لغاية ما مشيت
حورية بس انت غلطانة يا ضحى ماشية مش شايفة قدامك و كمان بتبجحي فيه و بتتكلمي عليه في الشركة مينفعش كدة
ضحى بعصبية منهية الحوار خلاص بقا يا ماما انا بكرة هدور على شغل اصلا
حورية لا خلاص ملوش لزوم احنا. ...
ضحى بعصبية يعني ايه بقا عشان مش فاهماكي كدة وضحي شوية عشان منقلبش على بعض كدة
ضحى بعصبية منهية الحوار خلاص بقا يا ماما انا بكرة هدور على شغل اصلا
حورية لا خلاص ملوش لزوم احنا كدة كدة هنسيب اسكندرية و هنروح القاهرة
ضحى بعصبية مقاطعة لامها يعني ايه بقا عشان مش فاهماكي كدة وضحي شوية عشان منقلبش على بعض كدة يعني عاوزاني اسيب اسكندرية اللي اتولدت فيها و عشت و كبرت فيها و نروح القاهرة احنا اصلا منعرفش حد هناك ثم قالت بتفكير و توعد ... اوعي تكوني خاېفة من الزفت اللي اسمه عمي هو جه تاني ... قوليلي بس و انا هروح اعرفه مقامه كويس ...
حورية بهدوء خلصتي كل احتمالتك و رغيك دة و لا لسة
اومأت لها ضحى بالموافقة
حورية اسمعي بقا و متقطعنيش تاني انا زمان اهلي كانوا ناس اغنيا و انا كنت عاملة زي ماما الله يرحمها مبيهمنيش الفلوس و الكلام دة و محمد اخويا كدة بردو بس أحمد كان زي بابا بس على اطمع شوية يمكن بابا بيهتم بالمظاهر و السمعة بتاعت العيلة بس رغم كدة طيب اوي و حنين لكن احمد لا بيهتم بالفلوس بس ما علينا باباكي كان موظف عندنا حبيته و حبني و طلب يتجوزني رحت قلت لبابا طبعا رفض ازاي بنته المدلعة حبيبة قلبه تتجوز كدة لا طبعا مينفعش و وقتها يمكن اكتئبت و فضلت اتحايل عليه و طبعا مصمم على رفضه فجالي محمد اخويا و كلمني و قالي انه عاوز رقم ابوكي و قتها استغربت انه طلبه مني انا ما هو كان ممكن يجيبه من الشركة بس قالي عشان بابا ميعرفش ادتهوله و كلمه و اتقابلوا و قعد معاه و لما لاقانا بنحب بعض بجد هربني و اتجوزنا و سفرنا على اسكندرية عشان دي اصلا بلد ابوكي و كل فترة بيكلمنا و طبعا محدش يعرف انه ساعدنا بس هو قالي انا استحالة اسيب اتنين بيحبوا بعض كدة و انا اتأكدت ان الواد دة بيحبك بجد و لو اكتشفتي غير كدة بعدين مع اني واثق انه بيحبك كلميني فورا و زي ما روحتك ليه هخدك منه ثم تنهدت و قالت بس يا ضحي دي كل الحكاية بتاعتي انا و ابوكي
ضحى بتأثر قامت و احتضنت حورية و قالت يا حبيبتي يا ماما تصدقي بأيه انا حبيت خالو محمد اوي ثم قالت بغباء بس انت عاوزانا نروح القاهرة بردو ليه
حورية اصوت و لا اجيب حد يصوت مكاني .. بصي يا
