رواية ظلمني حبه بقلم هدير دودو من الفصل الثالث عشر إلى الأخير

أخذت تضحك بإستفزاز
سارة بغيظ و توعد _ ماشي يا ضحى ان مبقاش انا سارة زي ما بيقولوا لو مورتكيش مقامك كويس
ضحى بإستفزاز _ على فكرة هما مش بيقولوا حاجة انت بس اللي مغرورة شوية في نفسك بس المشكلة انك شايفة نفسك على الفاضي
خرجت سارة بغيظ فهي لا تريد أن تعرفها انها عارفة كل حاجة حتى لا تحكي لمراد و سوق يضطر مراد ان يصالحها فهي عارفاه كويس
اما ضحى فأخذت تنط في الأرض و تدور حول نفسها بفرحة لأنها نجحت في غيظ سارة و فجاءة فتح الباب مرة اخري
ضحى دون أن ترى هوية الشخص الذي دخل قالت بصوت عالي _ شكلك متربتيش و مكتفتيش باللي قلته و عاوزة ټضربي و قامت بثني كم هدوها و فجاءة لفت لقت مراد
فصړخت بخضة و صوت عالي فهي لم تتوقع انه يكون هو _ اعااا انت بتعمل ايه هنا
مراد ببرود و هو ينظر لمنظرها _ اظن ان انا داخل اوضتي و دة عادي اما بقا السؤال اللي بجد و اللي المفروض يتساءل انت كنت هتتخانقي مع مين و عاملة هدومك كدة ليه
ضحى بكذب و تلعثم _ ابدا دة انا كنت حاسة بالحر شوية فقلت اعمل كدة و بعدين ايه اټخانق دي حد قالك عليا بتاعت مشاكل و خناقات
مراد بسخرية _ لا لا سمح الله محدش قالي دة انا مجرب بنفسي و ياريت تبطلي كدب و قولي عاوزة تتخانقي مع مين لدرجة انك ناوية تضريبه كدة
ضحى بتلعثم و هي تبلغ ريقه و لكنها قالت بشجاعة _ كنت هتخانق مع سارة اصلها جت غاظتني ثم قالت بكذب و انا والله معملتلهاش حاجة انا بس قلتلها لو سمحت ملكيش دعوة بيا بس افتكرتها جات تاني فقلت خلاص قدام الاحترام مجاش معاها اعرفها انا بقا
مراد بشك _ متأكدة انك معملتيش حاجة و قلتلها الكلمتين دول بس و لا حاجة تاني
ضحى _ اه مقلتلهاش حاجة هي اللي عاملة تقولي اني بمشيك و بتكلمني بطريقة وحشة
مراد بصرامة _ طب خلاص انا هروح اوقفها عند حدها
ذهب مراد اما ضحى فابتسمت و قالت بحب و مرح _ قمر يا ناس بس للاسف عديم الإحساس خالص و أكملت بإصرار بس ابدا انا هفضل وراك لغاية ما تجيلي و بكرة تعرف مين هي ضحى ثم قالت لنفسها كأنها شخصان بس لأمتة اتفضلي مستحملة طريقته دي فوقي بقااا و هاتي كرامتك اللي هو دايس عليها و مش حاسس عشان شوية اوهام في دماغه ثم قالت بتحدي لا بس انا استحالة اخليك يجي على كرامتي بس بردو هيعترف معرفش ازاي بقا و قالت بدعاء يارب ساعدني يارب خليه بقا يحس شوية
مراد دخل لسارة اللي كانت قاعدة في الجنينة
مراد بحدة _ سارة عاوز اقلك على حاجة
سارة بإنتباه_ نعم في حاجة
مراد و بتحذير و حدة و نبرة صارمة _ ملكيش دعوة لضحى يا سارة فاهمة و لا لا
سارة پخوف من طريقته _ ح حاضر حاضر انا بس كنت مقصدش اضايقها خا
قاطعها مراد بحدة _ كويس انك فهمتي و تركها و مشى
في الغرفة طلع مراد ملقاش ضحى و عرف انها قاعدة مع شهد فنزل هو أوضة المكتب بتاعه
عند ضحى قاعدة مع شهد
شهد بإلحاح _ ها قوليلي بقا مالك شكلك متضايقة في ايه بالظبط
ضحى _ مفيش حاجة
شهد _ لا فيه قوليلي و هساعدك والله و محدش هيعرف حاجة
ضحى احست لأنها بالفعل محتاجة ان تحكي لأحد و كأن كلام شهد كان مفتاح لها لتبدأ بقص كل شئ لها من يوم زواجهم إلى هذا اليوم و هي تبكي فبالرغم قوتها التي تظهرها إلى انها بالفعل مچروحة جدا فهو حول أحلامها إلى كابوس
شهد و تطبطب عليها _ طب خلاص اهدي يا حبيبتي و بطلي عياط
و بعد فترة هدأت ضحى 
اما شهد فقالت لها بجدية _ بصي بقا يا حبيبتي هو بيحبك والله و باين عليه بس شكله كدة مش مقتنع و انت بقا لازم تخليه يقتنع بكدة
ضحى بعدم فهم قائلة بإندفاع _ و دة ازاي بقاا أدخل جوة عقله و اقنعه مثلا
شهد _ اهدي شوية و هفهمك
ضحى و هي تأخد نفس_ اهه هديت قوليلي بقاا ازاي
شهد بخبث _ ها يا ستي ايه رأيك
ضحى پخوف و خضة _ يا نهار اسود ايه اللي بتقوليه دة انا استحالة اعمل كدة طبعا
شهد _ يا بنتي لازم يفهم انك ممكن تسيبيه عشان هو يعترف غير كدة مش هيعترف والله لازم يحس انك هتضيعي منه و تبعدي عنه
ضحى بأصرار _ ماشي بس مش كدة بردو
شهد بخبث لكي تثير اندفاع ضحى _ في ايه يا ضحى هو انت خاېفة منه و لا ايه و بعدين دة هو اسبوع بالكتير و هتلاقيه اصلا قالك بس لو خاېفة بلاش
ضحى بنفى و شجاعة _ لا طبعا خاېفة ايه انا مش بخاف من حد خالص
شهد بفرحة _ يبقى اتفقنا تعالي بقااا افهمك ايه اللي بتعمليه بالظبط ان ما اټجنن عليكي ابقى تعالي اضربيني يا ستي
و بدأوا يخططوا مع بعض
عند شادي قاعد مع مراد
مراد بعد أن حكى له كل شئ حدث معه و مع ضحى
شادي بأنبهار و استغراب _ ينهار اسود بقا هي عملت كدة لا والله طلعت جدعة انت مكنتش فاكرها كدة بقا انت المياة تتحدف في وشك انا مش قادر اتخيل منظرك عشان بعد كدة متعملش معاها كدة تاني و اخذ يضحك عليها
مراد بعصبية_ لم نفسك يا شادي و بطل هزارك الشخيف دة 
شادي و هو يحاول كبت ضحكته بصعوبة _ حاضر اهو 
ثم قال له طب ما تبطل تعمل معاها كدة يا مراد و مثلا تجرب تحبها ليه لا بدل ما انت متجنبها كدة
مراد برفض للفكرة أساسا_ لا و متفتحش الموضوع دة تاني فاهم و بعدين خلاص كام شهر و هطلقها
شادي _ طب افهم انت كنت متجوزها عشان تربيها و هي طلعت غير كدة و تقريبا يعني هي اللي بتربيك و مش بتسيبك تعملها حاجة يبقى خلاص بدل ما تتجنبها حاول انتوا تعيشوا طبيعي
مراد برفض قاطع و صوت عالي _ قلتلك لا و متفتحش الموضوع دة تاني لو مش عاوزنا نزعل مع بعض ثم تركه و خرج و هو يفكر بكلام شادي
بعد مرور يومين
شهد لضحى بتساؤل _ ها يا بنتي جاهزة و لا خاېفة لسة 
ضحى بعصبية _ قلتلك مية مرة انا مبخافش و بعدين اه جاهزة بس خاېفة على ماما احسن تعرف
شهد بإطمئنان _ مش هتعرف حاجة انا هقولها ان بابا تعبان و هاخدك نروح و بعدين بقاا تبعتي لمراد الرسالة و انا هقعد عند بابا يومين و مراد هيجيلك بس لازم يحس انك هتضيعي منه و انك مش على طول هتفضلي معاه عشان يفهم بقا شوية
ضحى پخوف بداخلها _ طب لو معملش كدة هنعمل ايه ما هو ممكن ميجيش